مظلوم حسینیم وای
نوحه زبانحال حضرت زهرا سلام الله علیها در عصر عاشورا
اوغلي ئولن آغلار بالا، مظلوم حسینیم وای
قالدي قاپيم باغلار بالا، مظلوم حسینیم وای
ای گـل بــدنـی دوغرانان، عدوانه میداندا
اعضاسینین هر قسمتی، بیر گوشه میداندا
باشي تنــورخــولیده، جسمــی بیابانـدا
اوغلي ئولن آغلار بالا، مظلوم حسینیم وای
اون یددی یرد‌ن باشوا، ضرب‌ت وروب اعـدا
سینه هارا؟ دؤرد مین یارا، یوخ صاف یری پیدا
گورسین سنی بوحالیده، دؤزسین نجـه زهرا
اوغلي ئولن آغلار بالا، مظلوم حسینیم وای
گـودال اولۇبدور مغسلین، يانديم حسين يانديم
نـاقص اوْلۇب گؤرر‌م الون، يانديم حسين يانديم
گچسین چراغی بجدلین، يانديم حسين يانديم
اوغلي ئولن آغلار بالا، مظلوم حسینیم وای
پیکـر هـارا؟ عریان قالا، زهرا سنه قربـان
تـوپـراغلار اوستونـده بـالا، زهــرا سنـه قربـان
دوشـدي حالیـم حالدان حالا، زهرا سنه قربـان
اوغلي ئولن آغلار بالا، مظلوم حسینیم وای
میلین ندیر اوغلوم حسين ؟ کشف ایله زهرایه
بوردا قاليم، یا مـن گئدیـم، محنتلـی صحرایـه
خولـــی تنورینــه و یــــا، دیـــر نصـــارایـــــــه
اوغلي ئولن آغلار بالا، مظلوم حسینیم وای
یــوخ گتسـه باشـون هر یانا، گللم دالونجا من
زینب باجونان یـان یــانــا، گللم دالونجا من
هجـرانـه تـاب اتمـز آنـا، گللم دالونجا من
اوغلي ئولن آغلار بالا، مظلوم حسینیم وای
گوزل آدي حسينيمون، ذکر اولسا هـر یرده
زهــرا همــان مجلســده‌دیر، قلبـی گلــر درده
مضطــر توکـ‌ر گـوز یاشيني، ایندی همان فرده
اوغلي ئولن آغلار بالا، مظلوم حسینیم وای
شعر:مرحوم مضطر اردبیلی