ای شه مظلوم حسین وای وای
ای شه مظلوم حسین وای وای
بی کس مظلوم حسین وای وای
کرب و بلا ملکی سنه عرشیدی ایستی قوم اوستی قوری یر فرشیدی
زینبون اولسون بو نجه نعشیدی ای شه مظلوم حسین وای وای
اولدی بو صحراده علی اکبرون ظلمیله اوخلاندی علی اصغرون
قانه باتوب ظلمیله گل پیکرون ای شه مظلوم حسین وای وای
قوم عدودن سنه واردور گله قلبیمه اود وردی منیم حرمله
عرض ایدورم گر دوشه فرصت اله ای شه مظلوم حسین وای وای
آل رسوله یتشوب چوخ ستم یاندیروری قلبیمی بالله بو غم
اولموش علمدار قولی چون قلم ای شه مظلوم حسین وای وای
قویدولا یالقیز سنی قوم ظلم ظلمیله القانه بویاندی علم
قوللاری عباسوین اولدی قلم ای شه مظلوم حسین وای وای
لطفیله بو خاطر ناشاده باخ خیمه آرا ناله و فریاده باخ
قانه باتان قاسم داماده باخ ای شه مظلوم حسین وای وای
اولسا حیاتیم ایدرم چوخ فغان ایلدی بو چرخ منی باغری قان
اللریوی کسدی سنون ساربان ای شه مظلوم حسین وای وای
غارته ال تاپدی بو قوم جهول چوللره یوزقویدی بنات رسول
یوخدور علاجیم ایدرم من قبول ای شه مظلوم حسین وای وای
گیتدی بو صحراده جلالون سنون غارت اولوب مال و منالون سنون
قول قولا باغلاندی عیالون سنون ای شه مظلوم حسین وای وای
ظلمله بو طایفه اهرمن قویمادیلار جسموه اولسون کفن
قالدی قوم اوستنده بو عریان بدن ای شه مظلوم حسین وای وای
قارداش حسین گردش تقدیره باخ صبح و مسا ناله شبگیره اخ
شمر ویران بوینوما زنجیره باخ ای شه مظلوم حسین وای وای
ظلمیله اولدوم بو بدندن کنار اولمادی بو جسمیوه قارداش مزار
من گیدیرم شامه چکیلدی قطار ای شه مظلوم حسین وای وای
قانلی باشون نیزده شامه گیدر آیه قرآنی تلاوت ایدر
شمر عیالون ایلیوب در بدر ای شه مظلوم حسین وای وای
شمر ستم پیشه کسوبدور سرون آتلار ایاقینده قالوب پیکرون
ای آنام اوغلی هانی بس اللرون ای شه مظلوم حسین وای وای
باشوی خولی آپاروب میهمان بولمورم هاردا ویره جاقدور مکان
اولمیوب عالمده بیله میزبان ای شه مظلوم حسین وای وای
یوخلامادی شانوی قوم لئام هانسی قوناق بیر گیجه نی باتمام
صبحه کیمی دوتدی کول اوسته مقام ای شه مظلوم حسین وای وای
مضطر اولوب دهرده غرق گناه کثرت عصیان ایلیوب رو سیاه
گتدی امیدیله حسینه پناه ای شه مظلوم حسین وای وای
شعر از مضطر اردبیلی