فاطمیه

الاشیعه شب عید غدیری پیشواز ایله

دوشوب محراب عشقه سجده و راز و نیاز ایله

علی امر الاهیله امیر اهل دین اولدی

بولطفه شکر اگر ائتسون ایکی رکعت نماز ایله

ولایت عالمین ائتدی علینون نوری نورانی

سرای سینوی سنده بونور حقه بازایله

صفا دولسون صفای سینون اولسون سینه ی سینا

علی عشقینده کل عالمه فخر ایله ناز ایله

پرآچ پروازه گل پروانه تک پای عقیدونده

آلیش شمع شرافت شعله سینده کشف راز ایله

یانوب پروانه تک اولسون اگر کول کوی عشقونده

شرار شمعون اوسته یانماقین وقتین دراز ایله

قدومین آلتینا بیگانه کس گل تک ئوزین سرسه

یالاندور عاقلا آللانما اوندان اهتراز ایله

علینون عشقی هر ناپاک ئورکده اولمیوب اولماز

علی عشقیله ای شیعه ئوزیوی سرفراز ایله

شاعر:استاد غلامرضا هادی اردبیلی